ನಿಮಗಾಗಿ, ‌ *ಈ ಮಂತ್ರ ಪಠಿಸಿದರೆ ಸಂತಾನ ಭಾಗ್ಯ ಖಚಿತ..! ಆದರೆ ಈ ನಿಯಮಗಳನ್ನು ಪಾಲಿಸಿ*

🕉️ ಓಂ ಶ್ರೀ ಗುರುಭ್ಯೋ ನಮಃ 🕉️ ‌           ‌                                            ‌ 

*ಈ ಮಂತ್ರ ಪಠಿಸಿದರೆ ಸಂತಾನ ಭಾಗ್ಯ ಖಚಿತ..! ಆದರೆ ಈ ನಿಯಮಗಳನ್ನು ಪಾಲಿಸಿ*

ಸಂತಾನ ಸಪ್ತಮಿಯಂದು ಕೃಷ್ಣನ ಮಂತ್ರ ಜಪಿಸುವುದರಿಂದ ಫಲಪ್ರದವಾಗುವುದು. ಸಂತಾನ ಸಪ್ತಮಿಯು ವಸಂತ ಋತು, ಚೈತ್ರ ಮಾಸ, ಶುಕ್ಲ ಪಕ್ಷ, ಸಪ್ತಮಿ ತಿಥಿಯ ದಿನದಂದು ಆಚರಿಸಲಾಗುತ್ತದೆ.  ಈ ದಿನ ಕೃಷ್ಣನ ಮಂತ್ರವನ್ನು ಜಪಿಸುವುದರಿಂದ ಫಲಪ್ರದವಾಗುತ್ತದೆ. ನಾಳೆ‌ ಏಪ್ರಿಲ್ ‌8, ಶುಕ್ರವಾರ ಚೈತ್ರ ಶುಕ್ಲ ಸಪ್ತಮಿ *ಸಂತಾನ ಸಪ್ತಮೀ*.                ‌       ‌           ‌       ‌     ‌                                                     ‌                                                                                     ಎಲ್ಲಾ ವಿವಾಹಿತ ದಂಪತಿಗಳು ಮಗು ಅಥವಾ ಸಂತಾನ ಬೇಕೆನ್ನುವ ಆಸೆ ಇದ್ದೇ ಇರುತ್ತದೆ. ಮಕ್ಕಳಿಲ್ಲದ ವಿವಾಹಿತ ದಂಪತಿಗಳು ಸಂತಾನಕ್ಕಾಗಿ ಈ ಮಂತ್ರವನ್ನು ಪಠಿಸಿದರೆ ಸಂತಾನ ಭಾಗ್ಯ ಖಂಡಿತ. ಸಂತಾನ ಭಾಗ್ಯಕ್ಕೆ ಪಠಿಸಬೇಕಾದ ಮಂತ್ರ ಯಾವುದು.? ಪಠಿಸುವಾಗ ಈ ನಿಯಮಗಳನ್ನು ಮರೆಯದಿರಿ.

    ‌                                                                                                 ವಿವಾಹಿತ ದಂಪತಿಗಳು ತಮ್ಮ ಮನೆಯಲ್ಲಿ ಪುಟ್ಟ ಮಗುವಿನ ಧ್ವನಿಯನ್ನು ಕೇಳಲು ಯಾವಾಗಲೂ ಇಚ್ಛಿಸುತ್ತಾರೆ. ಆದರೆ ಕೆಲವೊಬ್ಬರಿಗೆ ವಿವಾಹವಾದ ನಂತರ ಮಕ್ಕಳಾಗುವುದು ತಡವಾಗುತ್ತದೆ. ಇನ್ನೂ ಕೆಲವರಿಗೆ ಮಕ್ಕಳೇ ಆಗುವುದಿಲ್ಲ. ಕೆಲವೊಮ್ಮೆ ಮಕ್ಕಳನ್ನು ಪಡೆಯಲು ದಂಪತಿಗಳು ಅನೇಕ ಪೂಜೆಗಳನ್ನು ಹಮ್ಮಿಕೊಳ್ಳುತ್ತಾರೆ. ವೈದ್ಯರ ಬಳಿ ನಾನಾ ರೀತಿಯ ಸಲಹೆಯನ್ನು ತೆಗೆದುಕೊಳ್ಳುತ್ತಾರೆ. ಆದರೂ ಕೂಡ ನಿಮಗೆ ಮಕ್ಕಳು ಪಡೆಯಲು ಸಾಧ್ಯವಾಗಲಿಲ್ಲವೆಂದರೆ ಋಷಿ - ಮುನಿಗಳು ಧರ್ಮಶಾಸ್ತ್ರದಲ್ಲಿ ಹೇಳಿರುವ ಈ ಮಂತ್ರವನ್ನು ಪಠಿಸಬಹುದು.

*ಸಂತಾನ ಗೋಪಾಲ ಮಂತ್ರ*

ಧರ್ಮಶಾಸ್ತ್ರದಲ್ಲಿ ಉಲ್ಲೇಖಿಸಲಾದ ಈ ಮಂತ್ರವನ್ನು ಪಠಿಸುವುದರಿಂದ ಕೇವಲ ಸಂತಾನ ಭಾಗ್ಯ ಮಾತ್ರವಲ್ಲ, ಜೀವನದ ಅನೇಕ ಸಮಸ್ಯೆಗಳಿಂದ ಕೂಡ ಮುಕ್ತಿಯನ್ನು ಪಡೆದುಕೊಳ್ಳಬಹುದು. ಸಂತಾನ ಪಡೆಯಲು ನೀವು "ಸಂತಾನ ಗೋಪಾಲ ಮಂತ್ರ" ವನ್ನು ಜಪಿಸುವುದರಿಂದ ಆ ವ್ಯಕ್ತಿಯು ಸದ್ಗುಣವುಳ್ಳ ಸಂತಾನವನ್ನು ಪಡೆಯುತ್ತಾನೆನ್ನುವ ನಂಬಿಕೆಯಿದೆ. ಸಂತಾನ ಗೋಪಾಲ ಮಂತ್ರ ಯಾವುದು ಗೊತ್ತಾ..? ಈ ಮಂತ್ರವನ್ನು ಪಠಿಸುವುದು ಹೇಗೆ..? ಮತ್ತು ಎಷ್ಟು ಬಾರಿ ನೀವು ಈ ಮಂತ್ರವನ್ನು ಪಠಿಸಬೇಕೆಂದು ತಿಳಿದುಕೊಳ್ಳಿ.

ಸಂತಾನ ಗೋಪಾಲ ಮಂತ್ರ:

" *ಓಂ ಶ್ರೀಂ ಹ್ರೀಂ ಕ್ಲೀಂ ಗ್ಲೌಂ ದೇವಕೀಸುತ ಗೋವಿಂದ ವಾಸುದೇವ ಜಗತ್ಪತೇ | ದೇಹಿ ಮೇ ತನಯಂ ಕೃಷ್ಣ ತ್ವಾಮಹಂ ಶರಣಂ ಗತಃ* || *ಶ್ರೀಂ ಹ್ರೀಂ ಕ್ಲೀಂ*

ಸಂತಾನ ಗೋಪಾಲ ಮಂತ್ರದ ಪ್ರಭಾವ:

ಒಂದು ವೇಳೆ ನೀವೀಗಾಗಲೇ ಸಂತಾನವನ್ನು ಹೊಂದಿದ್ದು, ಪುತ್ರ ಸಂತಾನವನ್ನು ಬಯಸುತ್ತಿದ್ದರೆ ಆಗ ನೀವು ಈ ಮಂತ್ರವನ್ನು ಪಠಿಸಬಹುದು. ಇದು ಕೇವಲ ಸಂತಾನಕ್ಕಾಗಿ ಮಾತ್ರವಲ್ಲ, ಪುತ್ರ ಸಂತಾನವನ್ನು ಪಡೆಯಲು ಕೂಡ ನೀವು ಈ ಮಂತ್ರವನ್ನು ಪಡೆಯಬಹುದಾಗಿದೆ. ಸಂತಾನ ಗೋಪಾಲ ಮಂತ್ರವನ್ನು ಪಠಿಸುವುದರಿಂದ ದೀರ್ಘಾಯುಷ್ಯವುಳ್ಳ, ಬುದ್ಧಿವಂತ, ಸದ್ಗುಣಶೀಲ ಪುತ್ರನನ್ನು ನೀವು ಹೊಂದಬಹುದು. ಆದರೆ ಈ ಮಂತ್ರವನ್ನು ಪಠಿಸಲು ಕೆಲವೊಂದು ನಿಯಮಗಳಿವೆ. ಈ ನಿಯಮಗಳಿಗನುಗುಣವಾಗಿ ನೀವು ಸಂತಾನ ಗೋಪಾಲ ಮಂತ್ರವನ್ನು ಪಠಿಸಬೇಕಾಗುತ್ತದೆ.

*ಸಂತಾನ ಗೋಪಾಲ ಮಂತ್ರವನ್ನು ಪಠಿಸುವ ವಿಧಾನ:*

 ‌                                                                                          1) ನೀವು ಸಂತಾನ ಗೋಪಾಲ ಮಂತ್ರವನ್ನು ಪಠಿಸಲು ಆರಂಭಿಸಿದ ದಿನದಿಂದ ಸೂರ್ಯೋದಯಕ್ಕೂ ಮುನ್ನ ಏಳಲು ಅಭ್ಯಾಸ ಮಾಡಿಕೊಳ್ಳಬೇಕು. ಮುಂಜಾನೆ ಬೇಗ ಎದ್ದು ಮಂತ್ರವನ್ನು ಪಠಿಸಿದರೆ ಫಲದಾಯಕ.

2) ಮುಂಜಾನೆ ಬೇಗ ಎದ್ದ ನಂತರ ಸ್ನಾನ ಮಾಡಿ ಶುದ್ಧವಾದ ಬಟ್ಟೆಯನ್ನು ಧರಿಸಿ, ಸೂರ್ಯದೇವನಿಗೆ ಅರ್ಘ್ಯವನ್ನು ಅರ್ಪಿಸಬೇಕು.

3) ಸೂರ್ಯನಿಗೆ ಅರ್ಘ್ಯವನ್ನು ಅರ್ಪಿಸುವಾಗ ತಾಮ್ರದ ಪಾತ್ರೆಯಲ್ಲೇ ಅರ್ಪಿಸಬೇಕು. ಅರ್ಘ್ಯವನ್ನು ಅರ್ಪಿಸುವ ನೀರಿಗೆ ಸ್ವಲ್ಪ ಅರಶಿಣ ಮತ್ತು ಕುಂಕುಮವನ್ನು ಬೆರೆಸಿ ಅರ್ಪಿಸುವುದು ಉತ್ತಮ. ಇದರಿಂದ ಸಂತಾನವನ್ನು ಪಡೆಯಲು ನೀವು ಎದುರಿಸುತ್ತಿರುವ ಅಡೆತಡೆಗಳು ಕಡಿಮೆಯಾಗುತ್ತದೆ.

4) ಸೂರ್ಯ ದೇವನಿಗೆ ಅರ್ಘ್ಯವನ್ನು ನೀಡಿದ ನಂತರ ಮನೆಯ ದೇವರ ಕೋಣೆಯ ಈಶಾನ್ಯ ದಿಕ್ಕಿನತ್ತ ಒಂದು ಮಣೆ ಅಥವಾ ಮರದ ಚಿಕ್ಕ ಹಲಗೆಯನ್ನಿಟ್ಟು, ಅದರ ಮೇಲೆ ಹಳದಿ ಬಣ್ಣದ ಬಟ್ಟೆಯನ್ನು ಹಾಸಿ ಚಿಕ್ಕ ಬಣ್ಣದ ವಿಗ್ರಹವನ್ನು ಅಥವಾ ಶ್ರೀಕೃಷ್ಣನ ಬಾಲ್ಯದ ಚಿತ್ರವನ್ನು ಇಡಿ.

5) ಬಾಲ ಗೋಪಾಲನ ಚಿತ್ರವನ್ನು ಅಥವಾ ವಿಗ್ರಹವನ್ನು ಪೂಜಿಸುವ ಮುನ್ನ ಮೊದಲೊಂದಿಪನಾದ ಗಣೇಶನನ್ನು ಪೂಜಿಸಬೇಕು.

6) ಪ್ರತಿನಿತ್ಯ ಮನೆಯ ಹೊರಗೆ ತುಪ್ಪದ ದೀಪವನ್ನು ಬೆಳಗಬೇಕು. ಹಾಗೂ ತಾಮ್ರದ ಪಾತ್ರೆಯಲ್ಲಿ ನೀರನ್ನು ಇಡಬೇಕು. ಗಣೇಶನನ್ನು ಪೂಜಿಸಿದ ನಂತರ ಬಾಲ ಗೋಪಾಲನನ್ನು ಪೂಜಿಸಿ, ಅವನಿಗೆ ಕಲ್ಲು ಸಕ್ಕರೆ ಮತ್ತು ಬೆಣ್ಣೆಯನ್ನು ಅರ್ಪಿಸಬೇಕು. ಹಾಗೂ 108 ಬಾರಿ ಬಾಲ ಗೋಪಾಲ ಮಂತ್ರವನ್ನು ಪಠಿಸಬೇಕು.

ಸಂತಾನ ಗೋಪಾಲ ಮಂತ್ರವನ್ನು ಪಠಿಸುವ ಮೂಲಕ ಕೃಷ್ಣನ ಆಶೀರ್ವಾದದೊಂದಿಗೆ ಸಂತಾನ ಭಾಗ್ಯ ಪ್ರಾಪ್ತವಾಗುತ್ತದೆ. ಈ ಮಂತ್ರವನ್ನು ಕೇವಲ ಸಂತಾನ ಭಾಗ್ಯವಿಲ್ಲದವರು ಮಾತ್ರವಲ್ಲ, ಗಂಡು ಸಂತಾನವಿಲ್ಲದವರೂ ಕೂಡ ಗಂಡು ಸಂತಾನಕ್ಕೆ ಈ ಪೂಜೆಯನ್ನು ಮಾಡಬೇಕು.