ಹೈಲೋ ಓಪನ್: ಶಟ್ಲರ್‌ಗಳಾದ ಮಾಳವಿಕಾ ಬನ್ಸೋಡ್ ಮತ್ತು ಆಯುಷ್ ಶೆಟ್ಟಿ ಸೆಮಿಫೈನಲ್‌ಗೆ ಮುನ್ನಡೆ
ನಿನ್ನೆ ಜರ್ಮನಿಯ ಸಾರ್ಬ್ರುಕೆನ್‌ನಲ್ಲಿ ನಡೆದ ಹೈಲೋ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಭಾರತದ ಶಟ್ಲರ್‌ಗಳಾದ ಮಾಳವಿಕಾ ಬನ್ಸೋಡ್ ಮತ್ತು ಆಯುಷ್ ಶೆಟ್ಟಿ ಸೆಮಿಫೈನಲ್‌ಗೆ ಪ್ರವೇಶಿಸಿದ್ದಾರೆ.
ಮಹಿಳೆಯರ ಸಿಂಗಲ್ಸ್ ಕ್ವಾರ್ಟರ್ ಫೈನಲ್‌ನಲ್ಲಿ ಆರನೇ ಶ್ರೇಯಾಂಕದ ಮಾಳವಿಕಾ ಬನ್ಸೋಡ್ ವಿಯೆಟ್ನಾಂನ ನಾಲ್ಕನೇ ಶ್ರೇಯಾಂಕದ ನ್ಗುಯೆನ್ ಥುಯ್ ಲಿನ್ ಅವರನ್ನು ಸೋಲಿಸಿದರು. ಇಂದು ಸೆಮಿಫೈನಲ್‌ನಲ್ಲಿ ಡೆನ್ಮಾರ್ಕ್‌ನ ಜೂಲಿ ಡಾವಾಲ್ ಜಾಕೋಬ್ಸೆನ್ ಅವರನ್ನು ಎದುರಿಸಲಿದ್ದಾರೆ. ಜಾಕೋಬ್ಸೆನ್ ಭಾರತದ 17 ವರ್ಷದ ರಕ್ಷಿತಾ ಶ್ರೀ ಸಂತೋಷ್ ರಾಮರಾಜ್ ಅವರನ್ನು ಸೋಲಿಸಿದರು.
ಪುರುಷರ ಸಿಂಗಲ್ಸ್‌ನಲ್ಲಿ 19 ವರ್ಷದ ಆಯುಷ್ ಶೆಟ್ಟಿ ಫಿನ್‌ಲ್ಯಾಂಡ್‌ನ ಕಾಲೆ ಕೊಲ್ಜೊನೆನ್ ಅವರನ್ನು ಹಿಂದಿಕ್ಕಿದರು. ಅವರು ಫೈನಲ್‌ನಲ್ಲಿ ಸ್ಥಾನಕ್ಕಾಗಿ ಇಂದು ಫ್ರಾನ್ಸ್‌ನ ಕ್ರಿಸ್ಟೋ ಪೊಪೊವ್ ವಿರುದ್ಧ ಪೈಪೋಟಿ ನಡೆಸಲಿದ್ದಾರೆ. ಭಾರತದ ಏಳನೇ ಶ್ರೇಯಾಂಕದ ಸತೀಶ್ ಕುಮಾರ್ ಕರುಣಾಕರನ್‌ರಿಂದ ಪೊಪೊವ್ ವಾಕ್‌ಓವರ್ ಪಡೆದರು, ಅವರು ಪಂದ್ಯಕ್ಕೂ ಮುನ್ನ ಹಿಂದೆ ಸರಿದರು
Post a Comment