ನ್ನೈ: ತಮಿಳುನಾಡಿನಲ್ಲಿ ಹಲವಾರು ಭಯೋತ್ಪಾದಕ ದಾಳಿ ನಡೆಸಿ ನೂರಾರು ಹಿಂದೂಗಳ ಸಾವಿಗೆ ಕಾರಣನಾದ ಭಯೋತ್ಪಾದಕನ ಅಂತ್ಯಕ್ರಿಯೆಯಲ್ಲಿ ನಟರು ಹಾಗೂ ರಾಜಕಾರಣಿಗಳು ಭಾಗವಹಿಸಿ ಇದೀಗ ಭಾರೀ ವಿವಾದ ಉಂಟಾಗಿದೆ. ಇಂತಹ ಭಯೋತ್ಪಾದಕನಿಗೆ ವೀರೋಚಿತ ಬೀಳ್ಕೊಡುಗೆ ನೀಡಿರುವುದು ಹೇಗೆ ಎಂಬ ಪ್ರಶ್ನೆಯನ್ನು ಹಲವರು ಎತ್ತಿದ್ದಾರೆ.

ತಮಿಳುನಾಡಿನ ಭಯೋತ್ಪಾದಕ ಸಂಘಟನೆ ಅಲ್-ಉಮ್ಮಾ ಮುಖ್ಯಸ್ಥ ಎಸ್‌ಎ ಬಾಷಾ ಅಂತ್ಯಕ್ರಿಯೆಯಲ್ಲಿ ಸಾವಿರಾರು ಜನರು ಪಾಲ್ಗೊಂಡಿದ್ದರು. ಇದು ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಕಾರಣವಾಗಿದೆ. ಭಯೋತ್ಪಾದಕನಿಗೆ ವೀರನಂತೆ ಬೀಳ್ಕೊಡುಗೆ ನೀಡಿದ್ದಲ್ಲದೇ ಅಂತ್ಯಕ್ರಿಯೆಯ ಮೆರವಣಿಗೆ ಸಂದರ್ಭ ಭದ್ರತೆಗೆ 2000 ಪೊಲೀಸರು ಮತ್ತು 200 ಆರ್‌ಎಎಫ್ ಯೋಧರನ್ನು ನಿಯೋಜಿಸಲಾಗಿತ್ತು.

1998 ರಲ್ಲಿ ಕೊಯಮತ್ತೂರಿನಲ್ಲಿ ನಡೆದ ಸರಣಿ ಸ್ಫೋಟದಲ್ಲಿ 58 ಜನರು ಸಾವನ್ನಪ್ಪಿದ್ದರು. ಇದಲ್ಲದೇ 200ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದರು. ಈ ಸ್ಫೋಟಗಳ ಹಿಂದೆ ಅಲ್ ಉಮ್ಮಾ ಎಂಬ ಭಯೋತ್ಪಾದಕ ಸಂಘಟನೆಯ ಹೆಸರು ಮುನ್ನೆಲೆಗೆ ಬಂದಿತ್ತು. ಈ ಸಂಘಟನೆಯ ಮುಖ್ಯಸ್ಥ ಎಸ್‌ಎ ಬಾಷಾಗೆ ನಂತರ ಜೀವಾವಧಿ ಶಿಕ್ಷೆ ವಿಧಿಸಲಾಯಿತು. ಡೇಂಜರಸ್ ಭಯೋತ್ಪಾದಕರ‌ ಪಟ್ಟಿಯಲ್ಲಿದ್ದ ಬಾಷಾ 2024ರ ಡಿಸೆಂಬರ್ 16 ರಂದು ಆಸ್ಪತ್ರೆಯಲ್ಲಿ ಸಾವನ್ನಪ್ಪಿದ್ದ. ಇದಾದ ಡಿಸೆಂಬರ್ 17 ರಂದು ಅಂತ್ಯಕ್ರಿಯೆ ನೆರವೇರಿಸಲಾಯಿತು.

ಚರ್ಚೆಗೆ ಕಾರಣವಾದ ಅಂಶವೆಂದರೆ ಭಯೋತ್ಪಾದಕನ ಅಂತ್ಯಕ್ರಿಯೆಯಲ್ಲಿ ಪ್ರಮುಖ ರಾಜಕೀಯ ನಾಯಕರು, ನಟರು ಪಾಲ್ಗೊಂಡಿದ್ದರು. ಇವರಲ್ಲಿ ತಮಿಳು ಕಾಯಿದೆ ಸೀಮಾನ್, ಕೊಂಗು ಇಲೈಗ್ನರ್ ಪೆರವೈ ಪಕ್ಷದ ಅಧ್ಯಕ್ಷ ಯು ತನಿಯರಸು ಮತ್ತು ವಿಸಿಕೆ ಉಪ ಪ್ರಧಾನ ಕಾರ್ಯದರ್ಶಿ ವನ್ನಿ ಅರಸು ಸೇರಿದ್ದರು. ಇವರಲ್ಲದೆ ಬಾಷಾ ಅಂತ್ಯಕ್ರಿಯೆಯ ವೇಳೆ ಮೂಲಭೂತವಾದಿಗಳ ದೊಡ್ಡ ಗುಂಪು ಕೂಡ ಸೇರಿತ್ತು.

ಬಾಷಾ ಅಂತ್ಯಕ್ರಿಯೆ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಜನರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಅನೇಕರು ಇದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಇದು ಮೂಲಭೂತವಾದವನ್ನು ಇನ್ನಷ್ಟು ಉತ್ತೇಜಿಸುತ್ತದೆ ಎಂದು ಹೇಳಿದ್ದಾರೆ.