ಕೆನಡಾದಲ್ಲಿ, ವ್ಯಾಂಕೋವರ್‌ನಲ್ಲಿರುವ ಒಂದು ಪ್ರಮುಖ ಗುರುದ್ವಾರವನ್ನು ರಾತ್ರೋರಾತ್ರಿ ಖಲಿಸ್ತಾನ್ ಪರ ಗೀಚುಬರಹದಿಂದ ಧ್ವಂಸಗೊಳಿಸಲಾಯಿತು, ಇದು
ಸ್ಥಳೀಯ ಸಿಖ್ ಸಮುದಾಯದವರಲ್ಲಿ ಆಕ್ರೋಶವನ್ನು ಹುಟ್ಟುಹಾಕಿತು. ಈ ಘಟನೆಯು ಸಾಮಾನ್ಯವಾಗಿ ರಾಸ್ ಸ್ಟ್ರೀಟ್ ಗುರುದ್ವಾರ ಎಂದು ಕರೆಯಲ್ಪಡುವ ಖಲ್ಸಾ ದಿವಾನ್ ಸೊಸೈಟಿ (ಕೆಡಿಎಸ್) ಗುರುದ್ವಾರದಲ್ಲಿ ಸಂಭವಿಸಿದೆ. ಗುರುದ್ವಾರದ ಪಾರ್ಕಿಂಗ್ ಸ್ಥಳದ ಸುತ್ತಲಿನ ಗೋಡೆಯ ಉದ್ದಕ್ಕೂ ಹಲವಾರು ಸ್ಥಳಗಳಲ್ಲಿ "ಖಲಿಸ್ತಾನ್" ಎಂಬ ಪದವನ್ನು ಸ್ಪ್ರೇ-ಪೇಂಟ್ ಮಾಡಿರುವುದನ್ನು ತೋರಿಸುವ ಚಿತ್ರಗಳನ್ನು ಗುರುದ್ವಾರ ಆಡಳಿತವು ತನ್ನ ಅಧಿಕೃತ ಎಕ್ಸ್‌ನಲ್ಲಿ ಹಂಚಿಕೊಂಡಿದೆ.
ಬ್ರಿಟಿಷ್ ಕೊಲಂಬಿಯಾದ ಸರ್ರೆ ನಗರವು ವಿಶ್ವದ ಅತಿದೊಡ್ಡ ವೈಶಾಖಿ ಮೆರವಣಿಗೆಯನ್ನು ಆಯೋಜಿಸಿದ್ದ ದಿನವೇ, ನಿನ್ನೆ ಬೆಳಿಗ್ಗೆ ಈ ವಿಧ್ವಂಸಕ ಕೃತ್ಯ ಬೆಳಕಿಗೆ ಬಂದಿದೆ. ಕೆನಡಾದ ಮಾಧ್ಯಮ ವರದಿಗಳ ಪ್ರಕಾರ, ವ್ಯಾಂಕೋವರ್ ಪೊಲೀಸ್ ಇಲಾಖೆ ಪ್ರಸ್ತುತ ಘಟನೆಯ ಬಗ್ಗೆ ತನಿಖೆ ನಡೆಸುತ್ತಿದೆ.
ಖಾಲ್ಸಾ ದಿವಾನ್ ಸೊಸೈಟಿ ಒಂದು ಹೇಳಿಕೆಯಲ್ಲಿ ಈ ಕೃತ್ಯವನ್ನು ಖಂಡಿಸಿದ್ದು, ಸಮುದಾಯದೊಳಗೆ ಭಯ ಮತ್ತು ವಿಭಜನೆಯನ್ನು ಹರಡುವ ಉದ್ದೇಶಪೂರ್ವಕ ಪ್ರಯತ್ನ ಎಂದು ಬಣ್ಣಿಸಿದೆ. ವೈವಿಧ್ಯತೆ ಮತ್ತು ಸ್ವಾತಂತ್ರ್ಯವನ್ನು ಆಚರಿಸುವ ದೇಶದಲ್ಲಿ ಅಭಿವೃದ್ಧಿ ಹೊಂದುತ್ತಿರುವ ಸಮುದಾಯವನ್ನು ನಿರ್ಮಿಸಲು ಅವಿಶ್ರಾಂತವಾಗಿ ಶ್ರಮಿಸಿದ ನಮ್ಮ ಹಿರಿಯರ ಕನಸುಗಳು ಮತ್ತು ತ್ಯಾಗಗಳನ್ನು ಕೆಲವು ಉಗ್ರಗಾಮಿಗಳು ದುರ್ಬಲಗೊಳಿಸುತ್ತಿದ್ದಾರೆ ಎಂದು ಅದು ಹೇಳಿದೆ.
1906 ರಲ್ಲಿ ಸ್ಥಾಪನೆಯಾದ ರಾಸ್ ಸ್ಟ್ರೀಟ್ ಗುರುದ್ವಾರವು ಕೆನಡಾದ ಅತ್ಯಂತ ಹಳೆಯ ಮತ್ತು ಮಹತ್ವದ ಸಿಖ್ ಸಂಸ್ಥೆಗಳಲ್ಲಿ ಒಂದಾಗಿದೆ
Post a Comment